【客語版】
客家委員會今年第一擺推動「客庄文藝復興運動推動實施計畫」，鼓勵客家文化重點發展區个鄉鎮、市、區公所提案參加，客委會副主任委員范佐銘今(31)日來到新竹縣北埔鄉，代表出席「細人普：摎傳統相見个兒童慶典」系列活動，摎大小朋友共下感受慶典个鬧熱氣氛。
范副主委表示，「細人普」係特別為細孤魂辦理个普渡，傳說這係對北埔姜家姜振驤伯姆个愛心摎慈悲來个，像恁樣特殊在地客家庄个故事，值得推廣傳播，在這感謝莊明增鄉長帶頭傳承客家文化，也承蒙立法委員摎新竹縣政府个支持，希望客家語言文化做得長長久久傳承下去。
客話講个「細人仔」斯係「小孩」个意思，「普」就係普渡，主要係為著細孤魂辦理个普渡，因為擔心細孤魂在中元普渡期間搶毋過大鬼，嗄枵肚屎，所以在農曆七月廿九這日，北埔人當有心个摎細孤魂準備祭品普渡。北埔鄉公所辦理這項活動，除忒希望傳統祭典毋好分人毋記得以外，還較希望大家做得較深入去了解客家文化。
隨後，范副主委來到新竹縣寶山鄉寶山國中，摎寶山鄉長邱振瑋還過立法委員林思銘、寶山服務處呂陳璋秘書等，共下出席「寶山鄉客庄文藝復興運動」中秋慶典。
范副主委提著，寶山鄉在邱鄉長率領之下，大力辦理客庄文藝復興運動，分所有鄉親朋友共下參加，乜分大家認識這兜具備各種專長个優秀在地人才，希望透過參加唱歌、跳舞摎其他藝文活動，鼓勵民眾多講自家个母語，更加期待中央摎地方一直聯手合作，共下為客家語言文化打拚。
寶山鄉配合客家委員會推行寶山客庄文藝復興運動，舉辦客家歌謠比賽，摎客庄社區跳舞比賽、寶山藝文團隊表演、月餅DIY等活動，同時邀請客家歌手陳孟蕎、有名个啦啦隊細妹仔摎在地團體帶來精彩个表演，活動對朝晨到暗晡精彩無停，分所有鄉親朋友感受節日个鬧熱氣氛。
-------------------------------------
【華語版】
客家委員會今年首次推動「客庄文藝復興運動推動實施計畫」，鼓勵客家文化重點發展區之鄉鎮、市、區公所提案參與，客委會副主任委員范佐銘今(31)日前往新竹縣北埔鄉，代表出席「細人普：與傳統相遇的兒童慶典」系列活動，與大小朋友共同感受慶典的熱鬧氣氛。
范副主委表示，「細人普」是特別為幼靈辦理的普渡，傳說來自北埔姜家的姜振驤伯母的愛心與慈悲，像這樣特殊在地客家庄的故事，值得推廣傳揚，在此感謝莊明增鄉長帶頭傳承客家文化，也承蒙立法委員和新竹縣政府的支持，期盼客家語言文化能永續傳承下去。
「細人仔」為客家話「小孩」之意，「普」則是普渡，意指為幼靈辦理的普渡，因擔憂小孤魂在中元普渡期間搶不過大鬼，而餓肚子，因此農曆七月廿九日這天，北埔人會貼心的為幼魂準備祭品普渡。北埔鄉公所辦理此項活動，除了期望傳統祭典不要為人所忘記以外，更希望大家能更深入了解客家文化。
隨後，范副主委來到新竹縣寶山鄉寶山國中，與寶山鄉長邱振瑋及立法委員林思銘寶山服務處呂陳璋秘書等共同出席「寶山鄉客庄文藝復興運動」中秋慶典。
范副主委提到，寶山鄉在邱鄉長帶領之下，積極辦理客庄文藝復興運動，讓所有鄉親朋友共同參與，也讓大家認識這些各具專長的優秀在地人才，希望透過參與歌唱、舞蹈和其他藝文活動，鼓勵民眾多說自己的母語，更期待中央與地方持續攜手合作，共下為客家語言文化打拚。
寶山鄉配合客家委員會推動寶山客庄文藝復興運動，舉辦客家歌謠比賽，以及客庄社區舞蹈大賽、寶山藝文團隊表演、月餅DIY等活動，同時邀請客家歌手陳孟蕎、知名啦啦隊女孩及在地團體帶來精彩表演，活動從早到晚精彩不斷，讓所有鄉親朋友感受節日的熱鬧氣氛。
（資料來源：客家委員會全球資訊網）
