【客語版】
客家委員會主任秘書吳克能昨(15)日暗夜代表古秀妃主委出席雲林縣西螺鎮「西螺客町文化館」開幕典禮，見證歷史建築「西螺街長宿舍」修理好了後个活化重生。
吳主秘表示，客家文化个傳承，除了文化場域个保存，客人自家个認同嘛十分要緊。西螺係雲林重要个詔安客家聚落，這擺「西螺街長宿舍」修理好了後擱轉型變做文化館，除了係推動在地文化个重要據點，嘛期望客家鄉親愛多講客事、認同自家个文化，得珍貴个客家語言文化會用直頭傳承落去。
吳主秘強調，臺灣係多元文化共存个社會，無共族群之間應該愛互相理解、互相尊重，嘛期待「西螺客町文化館」个啟用，變做大家擱較䀴重在地客家文化个契機，繼續凝結中央、地方和民間个力量，作垺推動客家在地文化个發展。
今日參加个貴賓猶包括立法委員劉建國、雲林縣政府文化觀光處處長謝明璇、西螺鎮長廖秋萍、西螺鎮民代表會主席林俊甫、螺陽文教基金會董事長蕭澤梧和西螺生態博物館長何美慧等。
「西螺街長宿舍」係日本時代西螺街長个官舍，有和洋混合个日式建築特色，在104年登錄做歷史建築。客委會透過「客庄創生環境營造計畫」補助偎2,800萬箍，支持雲林縣政府辦理修復工程，這滿修理好擱轉型做「西螺客町文化館」，現時設有地方治理和街長宿舍相關个常設展，嘛有政治變遷史个特展，未來會繼續推動在地文史、詔安客家文化、藝文展演、文化體驗和人才培育，得歷史建築擱再融入在地个生活，變做認識西螺地方歷史和詔安客家文化个重要場域。
-------------------------------------
【華語版】
客家委員會主任秘書吳克能昨（15）日晚間代表古秀妃主委出席雲林縣西螺鎮「西螺客町文化館」開幕典禮，見證歷史建築「西螺街長宿舍」修復後活化重生。
吳主秘表示，客家文化的傳承，除了文化場域的保存，客家人的自我認同亦十分重要。西螺是雲林重要的詔安客家聚落，此次「西螺街長宿舍」修復完成並轉型為文化館，除成為推動在地文化的重要據點，也期盼客家鄉親多說客語、認同自身文化，讓珍貴的客家語言文化持續傳承。
吳主秘強調，臺灣是多元文化共存的社會，不同族群之間應相互理解、彼此尊重，也期待「西螺客町文化館」的啟用，成為大家更加重視在地客家文化的契機，持續凝聚中央、地方及民間力量，共同推動客家在地文化發展。
今日與會貴賓尚包括立法委員劉建國、雲林縣政府文化觀光處處長謝明璇、西螺鎮長廖秋萍、西螺鎮民代表會主席林俊甫、螺陽文教基金會董事長蕭澤梧及西螺生態博物館長何美慧等。
「西螺街長宿舍」為日治時期西螺街長官舍，具有和洋混合的日式建築特色，於104年登錄為歷史建築。客委會透過「客庄創生環境營造計畫」補助近2,800萬元，支持雲林縣政府辦理修復工程，經修復後轉型為「西螺客町文化館」，目前設有地方治理與街長宿舍相關常設展及政治變遷史特展，未來將持續推動地方文史、詔安客家文化、藝文展演、文化體驗及人才培育，讓歷史建築重新融入地方生活，成為認識西螺地方歷史及詔安客家文化的重要場域。
